كلمات البوم نقطة بيضا كايروكي 2017 كامل مكتوب

كلمات البوم نقطة بيضا كايروكي 2017 كامل مكتوب , لا يخفى على أحد أن هذا الموضوع من الموضوعات الحيوية التي تشغل بال كل أفراد المجتمع، وفي هذا الموضوع سأحاول أن أتناول جميع النقاط والجوانب بشكل واضح وتفصيلي.

نشأة فرقة كايروكي

كايروكي هى عبارة عن فرقة روك مصرية، ظهرت للمرة الأولى عام 2003، تكونت فى أول الأمر من ثلاثة أفراد فقط، أتقنوا العزف على العديد من الآلات الموسيقية المختلفة مثل “جيتار وإلكتريك جيتار ودرامز وإيقاع وبيانو وأورغ”، أعضائها فى الوقت الحالى هم خمسة أفراد وهم “أمير عيد وشريف هواري وتامر هاشم وشريف مصطفى وآدم الألفي”، تعبر معظم أغانيهم عن واقع الشباب المصرى، حققت معظم أعم الفنية نسبة نجاح عالية، أعتبرهم الشباب هم الأقرب إلى تفكريهم وأكثر تعبيرا عن حالتهم.

أعمال فرقة كايروكي الفنية

حصلوا على شهرة عالمية فى ثورة 25 يناير عقب إصدارهم أغنية “صوت الحرية” والتى تم طرحها فى الأسواق بعد تنحى الرئيس المصرى السابق “محمد حسنى مبارك” وأعتبرها الشباب بمثابة “أغنية الثورة أو الحرية” وتم تصويرها فيديو كليب فى وسط ميدان التحرير والثوار مما أعطاها مصداقية عالية، واصبح الجميع يردد كلماتها، أطلقوا ألبوم بعنوان “مطلوب زعيم فى نفس العام” وتضمن عدد ثمانى أغانى كاملة، أعلنوا عن ألبوم عام 2012 بعنوان “وأنا قاعد مع نفسى” وأحتوى على عشرة أغانى ومن أشهرها أغنية “الملك وكل يوم ممكن ويكون بداية وبكرة الشمس تطلع ولو كان عندي جيتار وصوتي وبسأل عليكي ولكن إحساسى مش كفاية”.

ظهروا فى بعض الإعلانات مثل إعلان شركة “كوكاكولا” وغنوا فيها أغنية “” وتم عرضه فى شهر الكريم عام 2013، حصلوا على بعض الجوائز المحلية والعالمية كجائزة “الميما” كأفضل فرقة موسيقية متواجدة فى الأوسط لمدة مرتين كاملتين عام 2013 و 2016، أصدروا آخر ألبوم غنائى كامل لهم عام 2017 بعنوان “نقطة بيضا”، وحقق فى أيامه الأولى نسبة مشاهدة عالية على اليوتيوب، لهم بعض الأعمال الوطنية مثل أغنية “إ‘حنا الشعب وناس بترقص وناس بتموت”، حققوا أعلى نسبة مبيعات على مستوى العالم العربى عقب إصدارهم لألبوم “السكة الشمال” عام 2014.

    كايروكي تتعرض للنقد

    تعرضت الفرقة الموسيقة “كايروكي” للنقد والهجوم من قبل الموسيقار الجليل “حلمى بكر”، وطالب الدولة بسرعة القبض عليهم بسبب مخالتفهم للقانون ونشرهم بعض الأعمال التى تسئ إلى الجيش والشرطة المصرية بطريق غير مباشر، وقال من خلال بعض التصريحات أنهم يحاولوا هدم الدولة، وأكد أنه من حق كل مواطن التعبير عن رأيه ولكن بدون إتباع سياسة هدم أركان الدولة، وتابع أنه فى حالة إصرارهم على طرح ألبوم “نقطة بيضا” يجب إلقاء القبض عليهم.

    والجدير بالذكر أن هيئة المصنفات كانت قد أعلنت عن رفضها التام عن بعض أغانى ألبوم “كايروكي” الجديد، ولكن الفرقة أعلنت على صفحتها الرسمية على الفيسبوك أنه سوف يتم طرحه كاملا على اليوتيوب، كما تعرضت للنقد أيضا من قبل العميد الأسبق للمعهد العالى للموسيقى “رضا رجب” ووصفها بأنها أسوا إفراز فنى ظهر بعد ثورة الخامس والعشرين من يناير، وقال أنهم لا يقدمون شئ مفيد للشباب، ويرى أن سبب تأخر الموسيقى فى الوقت الحالى هو رفع الدولة يدها عن الفن، وسيطرة الشركات الخاصة على مبنى الإذاعة والتليفزيون المصرى.

    ألبوم نقطة بيضا

    نافست فرقة كايروكي بعض الفرق الموسيقة الآخرى بعد طرحها لألبوم بعنوان “نقطة بيضا”، شاركت من خلاله بعض الأوجه الجديدة مثل المغنى الكبير “وائل الفشنى” الذى ظهر فى أغنية “عم غريب” والمطرب الشعبى القدير “طارق الشيخ” وظهر فى أغنية “الكيف”، والألبوم من كلمات “أمير عيد” وتوزيع وألحان “كايروكي” وإنتاج موسيقي وميكساج “شريف مصطفى”، أستخدموا بعض أغانيه كأداة لمواجهة الدولة ونقدها.

    كلمات ألبوم نقطة بيضا كامل

    كلمات أغنية نقطة بيضا كاملة

    • ألبوم الأغنية: نقطة بيضا 2017.
    • كلمات الأغنية: أمير عيد.
    • ألحان وتوزيع: كايروكي.

    في صوت جوايا بيناديني من بعيد سامعه وعارفه كويس بس أنا عامل عبيط نقطة بيضا فوسط سواد، إنسان بينادي جماد هو البراءة والسذاجة وأنا الدنيا الكدابة عايش معاه فسجن وأنا السجان معايا مفاتيح كل البيبان لكن جبان أنا الجاني والمجني عليه أنا كل الأسباب ولسه بسأل ليه هو أنا وأنا هو، هو حرب، دايرة جوا جوا مني وبتقتلني، مهما جريت أو هربت جوايا اتنين وأنا التالت والتالت دايماً ساكت سلم بطّل يتكلم ولا بيحس ولا بيتألم جوايا عقل وقلب دايماً عايشين في حرب قلبي حاسس بالذنب، وعقلي واخد جنب.

    والدنيا ماشية عكسي، لفيت ومشيت معاها، وبعت أنا نفسي، نفسي خليتني انساها، ولبست وشوش تانيين، ونسيت فالأصل أنا مين فقلت أرجع من تاني النفس اللي بتعاني هو أنا وأنا هو، هو حرب، دايرة جوا جوا مني وبتقتلني، مهما جريت أو هربت عجبي عليك يا زمن فينا مش سائل، وانا اللي استاهل صدقتك، ومشيت وراك لحد ما سبقتك بصيت ورايا لقيتني وحيد.

    كلمات أغنية السكة شمال فى شمال كاملة

    • ألبوم الأغنية: نقطة بيضا 2017.
    • كلمات الأغنية: أمير عيد.
    • ألحان وتوزيع: كايروكي.

    السكة شمال في شمال واليمين اختفى لفت بينا الأيام، خدنا اجدع قفا امشيها مظبوط تاخد أكبر خازوق امشيها معوج يرفعوك لفوق اوعاك تسأل لماذا أو من أين لك هذا خدلك جوب وإزازة، وابعد عن السياسة نام وبلاش غلاسة، دي مواضيع صعبة وحساسة، وانت ملكش عازة، آخرك دمعة وجنازة الواطي بقى عالي والرخيص بقى غالي

    واحنا كده من تاني ملناش مكان، وهفضل اغني تاني وأعيد فكلامي السكة قدامي شمال في شمال ناس سارقينّا وعاملين منّا اللي صابغ شعر واللي عاملة حنة عواجيز وسايقنّا، فالحيطة ملبسينّا موتور خربان من غير منافلة لو انت غلوبّة هتشيل فيها قبة حقوقك اشطبها إوعاك تطلبها امشي جنب الحيطة واوعاك تعمل زيطة احفر حفرة غويطة وادفن راسك فيها الواطي بقى عالي والرخيص بقى غالي، واحنا كده من تاني ملناش مكان، وهفضل اغني تاني وأعيد فكلامي السكة قدامي شمال في شمال.

    كلمات أغنية هدنة كاملة

    • ألبوم الأغنية: نقطة بيضا 2017.
    • كلمات الأغنية: أمير عيد.
    • ألحان وتوزيع: كايروكي.

    عايش في هدنة من زمان آن الأوان أحارب عشان اعيش فسلام جربت الإستسلام والإنكار كمان كل الطرق بتأدي لصدام صدام مع شخص جوايا اتزرع تربية الزمن والناس والمجتمع مش مني بس غضب عني هو المتحكم زي الإيقاع أغنيه ماشي معاه وخايف أتقدم جسمي أصبح سجن وانا فيه محبوس مكنة دايرة وأنا ترس من التروس.

    وسيلتي دة للهروب إني أعيش للناس سجن أكبر مصطنع مقفول بترباس أنا متغرب، إستسلام ف شكل السلام خايف أبعد أنا وخايف أقرب، انكسار ف شكل انتظار حرب ضد مجتمع مريض وأفكاره مجتمع اعمى مش شايف انهياره مليان أمراض نفسية وعنصرية وطبقية زي بالظبط ما هو بيخاف من هيّا هيّا تغلط يدبحوها وتتاوى هوّ يغلط يقولوا معلش دي شقاوة.

    وقيس على كده كل تفصيلة ف حياتنا كل المبادئ بتتجزأ ف كل حكاياتنا مبقاش ليا فالناس ومش قادر أخبي كفرت بكل حاجة إلا ربي، ومش هخبي في كتيرة عندي، ورغم كل ده لسه الإيمان ف قلبي أنا متغرب، إستسلام ف شكل السلام خايف أبعد أنا وخايف أقرب، انكسار ف شكل انتظار كل ده ساب فيا أثر، دقت جوايا أجراس الخطر أفكار كتير نزلت زي غسلت نفسي من عرف البشر الكل شارك في الجريمة.

    الكل داس على الزناد الكل اختار السكات ودافن راسه في التراب الكل إلا إستثناء أحرار ورفضوا الاستعباد محبوسين جوا قطيع متحاوطين بال خلاص مبقاش فيه قلب، دقت طبول الحرب، ويا انتصار، يا انتحار، مفيش عندي إختيار آن الأوان الحقيقة تنفجر ف وش مجتمع مريض بيحتضر أنا متغرب، إستسلام ف شكل السلام خايف أبعد أنا وخايف أقرب، انكسار ف شكل انتظار.

    كلمات أغنية كنت فاكر كاملة

    • ألبوم الأغنية: نقطة بيضا 2017.
    • كلمات الأغنية: أمير عيد.
    • ألحان وتوزيع: كايروكي.

    كنت فاكر لسه بدري، وأتاري العمر بيجري الفراق بيجي من غير معاد بيعلم جوانا يكتب نهايات شايفك قدامي وما بيننا فاصل بشكيلك وكلامي مش واصل كلامك بيجري ف دمي، ولآخر العمر هفضل مستني
    أشوفك تاني واقفة بعيد بتشاوري تقولي ده ابني من لحمي ودمي، وتضحكيلي ضحكة وحشاني، وفحضنك أرمي أحزاني، وصلّتيني لبر الأمان اتطمنتي وسبتيني للأيام ياه لو كنتي معايا، وتشوفي لكفاحك نتيجة ونهاية بتألِّم ولازم أكمل زي ما منك كنت بتعلّم كنت فاكر لسه بدري، وأتاري العمر بيجري.

    كلمات أغنية الكيف كاملة

    • ألبوم الأغنية: نقطة بيضا 2017.
    • كلمات الأغنية: أمير عيد.
    • ألحان وتوزيع: كايروكي.

    يخربيتك يا كيف ويخربيت معرفتك صحيح دمك خفيف بس يا ريتني ما عرفتك في الأول كنت تمام بتدوس على الأحزان دلوقتي أنا هربان من نفسي والأيام يخربيتك يا كيف عشمتني وفلّقت عايش في الدنيا طيف ومليش فيها حد في واحد ابن حرام قاعد جوّه نفوخي واحد كله إجرام آه منه، آه يا خوفي، وسيجارة جابت جوان وجوان جاب حباية

    حباية جابت شريط وانتهت الحكاية من يومها وأنا أنا مش أنا الناس راحت هناك وأنا مرمي هنا يخربيتك يا كيف يا معيشني ف مذلّة ف بعدك مش عارف اعيش ولا عارف اتهنّى نايم في سابع نومة وداخل في كوما خلصانة ومش باينلي قومة يخربيتك يا كيف ويخربيت أيامك ياريتني سمعت الناس ومسمعتش كلامك أجبر بخاطري يا زمن واديلي لمسة حنان، وافردلي ضهري اللي اتقطم، ورجعني زي زمان، وسيجارة جابت جوان وجوان جاب حباية حباية جابت شريط وانتهت الحكاية من يومها وأنا أنا مش أنا الناس راحت هناك وأنا مرمي هنا.

    كلمات أغنية ليلى كاملة

    • ألبوم الأغنية: نقطة بيضا 2017.
    • كلمات الأغنية: أمير عيد.
    • ألحان وتوزيع: كايروكي.

    من زمان نفسي اغنيلك، واحكيلك قد ايه انا بحبك، وامسك قلمي وأكتبلك، واعمل أغنية بإسمك، واسرح بعيد وافتكرك كل الكلام اللي جوايا مش كفاية وميكفيش حتى البداية لما كنتي واقفة معايا ف بداية الطريق والحلم كان لسه بعيد ف عز يأسي، و كلّ الدنيا ماشية عكسي عشانك انا قادر اكمِّل، عشانك قادر اتحمِّل، وكل مرة بشوفك، بحبك تاني م الأول عشانك انا قادر اكمِّل.

    عشانك قادر اتحمِّل، وكل مرة بشوفك بحبك تاني ليلى، ليلى، ليلى، ليلى كنا أطفال وكبرنا، ومع بعض احنا كملنا الحكاية حب ببراءة وسذاجة غلب الدنيا الكدابة ولسه عايش جوايا بشوفك زي أول مرة وكنتي غيرهم كنتي حرة واللي ف قلبك كان برّه انتي كل حلم عدى واستخبى، وخرجتيه مني بزقة، بتشديني ودايماً سابقة عشانك انا قادر اكمِّل، عشانك قادر اتحمِّل، وكل مرة بشوفك بحبك تاني ليلى، ليلى، ليلى، ليلى.

    كلمات أغنية أضحك كاملة

    • ألبوم الأغنية: نقطة بيضا 2017.
    • كلمات الأغنية: دعاء عبد الوهاب.
    • ألحان وتوزيع: كايروكي.

    اضحك كإن الفرْح مقسوم عشان ضحكتك، وازعل كإن البكا عمره ما هيموتك اعشق كإن الهوى طيب وكله أمان فارق كإن اللقا معرفش يوم سِكِّتك ايه من تشتهي غير الرضا في عينيك؟ لمسة ايدين تعشقك، لمة صحاب حواليك دنيا غريبة إنما فيها حاجات ملهمة زي النجوم في السما، طالعة عشان تهديك اضحك كإن الفرْح مقسوم عشان ضحكتك، وازعل كإن البكا عمره ما هيموتك اعشق كإن الهوى طيب وكله أمان فارق كإن اللقا معرفش يوم سِكِّتك غني بصوت يعجبك ليلي ويا عيني وآه، وأمّا الحياة تغلبك، متخافش قولة آه.

    وإن دقت لحظة هنا زود ساعتها الغنا أحلام كتير ممكنة لو بس صدّقنا ايه من الحياة تشتهي غير الرضا في عينيك؟ لمسة ايدين تعشقك، لمة صحاب حواليك دنيا غريبة إنما فيها حاجات ملهمة زي النجوم في السما، طالعة عشان تهديك.

    كلمات أغنية عم غريب كاملة

    • ألبوم الأغنية: نقطة بيضا 2017.
    • كلمات الأغنية: حازم ويفى.
    • ألحان وتوزيع: كايروكي.

    عم غريب واخد الدنيا زي ما تجيب، ولا ماسك فيها ولا متبّت، وتشوفه يضحك وينكّت، ويقولّها أمرك ده عجيب يصحى يجيب العيش والجبنة والجرنال، واللي فجيبه رايح كله لست عيال م الفجرية لنص الليل خمسة وتلاتين سنة شغّال اللقمة يادوبك بتكفي بطلوع الروح .

    والهدمة على قد تدفي القلب المجروح، وأمّا تقوله ايه الأحوال، يحمد ربنا عال العال عم غريب واخد الدنيا زي ما تجيب، ولا ماسك فيها ولا متبّت، وتشوفه يضحك وينكّت، ويقولّها أمرك ده عجيب دي سيجارته وكوباية الشاي قدام ماتش الأهلي الجاي إن كسب الأحمر يا سعادته، وإن خسران هيكشّر.

    عادته، وهيرجع في ثواني يطيب، عم غريب عم غريب ده أبويا و جدي عم غريب تسعين مليون الصبر معلم في قلوبهم مليون خط بمليون لون وقت الشدة تشوفهم سد، ولا خافوا أبداً من حد، وأما الدنيا تقسى عليهم واقفين دايماً زي أسد عم غريب واخد الدنيا زي ما تجيب، ولا ماسك فيها ولا متبّت، وتشوفه يضحك وينكّت، ويقولّها أمرك ده عجيب.

    كلمات أغنية نقطة بيضا 2 كاملة

    • ألبوم الأغنية: نقطة بيضا 2017.
    • كلمات الأغنية: أمير عيد.
    • ألحان وتوزيع: كايروكي.

    في صوت جوايا بيناديني من بعيد سامعه وعارفه كويس بس أنا عامل عبيط نقطة بيضا ف وسط سواد، إنسان بينادي جماد هو البراءة والسذاجة وأنا الدنيا الكدابة عايش معاه ف السجن وأنا السجان معايا مفاتيح كل البيبان لكن جبان أنا الجاني والمجني عليه أنا كل الأسباب ولسه بسأل ليه هو أنا وأنا هو.

    هو حرب دايرة جوا جوا مني وبتقتلني طول الوقت هو ضميري بيأنبني، ف كل مكان بيطاردني مهما جريت أو هربت جوايا اتنين وأنا التالت والتالت دايماً ساكت سلم بطّل يتكلم ولا بيحس ولا بيتألم جوايا عقل وقلب دايماً عايشين في حرب قلبي حاسس بالذنب.

    وعقلي واخد جنب، والدنيا ماشية عكسي، لفيت ومشيت معاها، وبعت أنا نفسي، نفسي خلّتني انساها، ولبست وشوش تانيين، ونسيت في الأصل أنا مين فقلت أرجع من تاني للنفس اللي بتعاني هو أنا وأنا هو، هو حرب دايرة جوا جوا مني وبتقتلني طول الوقت هو ضميري بيأنبني.

    في كل مكان بيطاردني مهما جريت أو هربت عجبي عليك يا زمن فينا مش سائل، وانا اللي استاهل اني صدقتك، ومشيت وراك لحد ما سبقتك بصيت ورايا لقيتني وحيد الدنيا بحر وفيه انا عايم لا فيها شي فاضل ولا دايم كالعادة العبد بيتمادى.

    كلمات أغنية آخر أغنية كاملة

    • ألبوم الأغنية: نقطة بيضا 2017.
    • كلمات الأغنية: أمير عيد.
    • ألحان وتوزيع: كايروكي.

    اسمع مني المفيد، عاهات كتير وتقاليد المجتمع اجتمع ضد التجديد فكر الناس تعبان، عيّان ومريض ابحث معايا دوّر ع المستفيد المستفيد هو المتحكم فيك، اللي ممشيك جنب الحيط بيجيبك ويوديك، سيطر عليك حابسينك جوه نافوخك، قضبان السجن خوفك بتخاف تفكر بحرية لحد يشوفك كلامي مش ضد النظام فقط كلامي ضد العبيد كمان لو مية ألف نظام سقط هنفضل برضه في نفس المكان فيه حاجات وتساؤلات وعادات بقت عاهات.

    وتقاليد محتاجة تجديد و عمال بيعيد فيه حرب ضد الحرية، والحرية ممنوعة كل العقول الرجعية كلمتهم هيّا المسموعة اتربينا علي ان الحيطان ليها ودان طب انزل بالمزيكا سمعهم بالفم المليان لو دي آخر اغنية ليّا، هفضل اغني عن الحرية قولوا معايا بصوت عالي.

    حرية حرية يعني تغيير يعني حرية في التفكير و التعبير حرية يعني اختيارك مش اختيار الغير صراع اجيال ع المكشوف، اصبح عيني عينك عاوزينك تمشي علي خط سيرهم، مش خط سيرك الكبير عاوز يعيش في الماضي، و ع الحاضر يسيطر بيفكروني بإعلان اسكنشايزر مهما اتكلم صوتي مش مسموع كلامي دايماً بالنسبالهم فارغ و ممنوع سيبني أحلم حلم جديد و خارج ع المألوف مش عاوز امشي في قطيع زي الخروف

    بلدنا شابة يعني أغلبها من الشباب قتلتوا فيه الولاء و قفلتوا ف وشه الأبواب عندنا أحلام كتير اديني فرصة أسوق أنا كل هدفي أشوف بلادي فوق الرقم سبعة ممكن يبقى تمانية لو بصيت عليه م الناحية التانية لو دي آخر اغنية ليّا، هفضل اغني عن الحرية قولوا معايا بصوت عالي.

    حرية قال إيه بيقولوا عليّا خايف اركن ياض على جنب و حط أحمر شفايف عملت ثورة جوايا و لسه مستمرة الحلم عايش معايا كلمتي لسه حرة غنيت في كل العهودن.

    وكنت الصوت ساعة ما يحبوا الدنيا سكوت الحرية يعني تضحية و اختبار، وأنا قد المسئولية وللآخر هكمل المشوار أنا مش لوحدي أنا فكرة زي البذرة هتدفنوها هتطرح بكرة عمري ما هبيع أحلامنا و الشهيد اللي سبقنا خدني علي سجنك خليني أشوف شبابنا الرجالة بحق في السجون ساكنة لو دي آخر اغنية ليّا، هفضل اغني عن الحرية قولوا معايا بصوت عالي، حرية.

    ملحوظة : تم تقسيم بعض الاغاني لسهولة القراءة وتقسيم جميع كلمات الالبوم المميز للفرقة المصرية الشهيرة بالاعمال الثورية كايروكي .

      ما تم كتابته وعرضه من أفكار في هذا الموضوع، كلمات البوم نقطة بيضا كايروكي 2017 كامل مكتوب , يوضح مدى أهميته على كل فرد في المجتمع، وما يمثله من نقطة تحول عظيمة.

      الوسوم

      اترك تعليقاً

      لن يتم نشر عنوان بريدك الإلكتروني. الحقول الإلزامية مشار إليها بـ *

      إغلاق